Pas fitores me Burkina Fason, Kosova merr rezultatin e dytë pozitiv radhazi në miqësore. Këtë herë dardanët ia dalin të marrin një barazim 1-1 në Zyrih. Pjesa e parë mbyllet me dominimin e lehtë të Kosovës në zotërimin e topit, por pa mundur të gjenin rrjetën.
Kosova e nisi me ritmin e duhur edhe fraksionin e dytë, derisa në minutën e 52-të Milot Rashica zhbllokoi rezultatin, pas një gabimi të mbrojtjes vendëse. Merita e Zymer Bytyqit që nxori në pozicion të volitshëm sulmuesin e Norwichit, që gjithsesi pati edhe fatin me vete në shënimin e golit.
Vetëm nëntë minuta zgjati epërsia e Kosovës, pasi në të 61-tën Lotombo përfitoi edhe nga dalja e gabuar e portierit Muric, duke e dërguar me kokë topin në rrjetë. Rezultati i dytë pozitiv nën drejtimin e Alain Giresse, impakti i të cilit në stolin e Kosovës është evident.
Discussion about this post