Komandanti i KFOR-it, Gjeneral major Ferenc Kajari, ka dhënë sot më shumë detaje lidhur me dronin që ra pa ditë më parë në Mitrovicë. Gjatë një onterviste televizive ai ka thënë se po bëhen hetime rreth kësaj situate, ndërsa tha se po merren masa që gabime të tilla të mos ndodhin më, aq më pak kur bëhet fjalë për një mision.
“Droni ynë ishte duke e bërë një mision rutinor monitorimi në mbështetje të aktiviteteve të KFOR-it, në përputhje me rezolutën 1244 të këshillit të sigurimit të Kombeve të Bashkuara të vitit 1999, e cila mandatin KFOR-in të ofroj dhe të mbështes një mjedis të sigurt dhe lirinë e lëvizjes për të gjithë komunitetet që jetojnë në Kosovë”, tha komandanti i KFOR-it.
Kajari ka falënderuar qytetarët për mirëkuptimin e tyre si dhe kontaktin e menjëhershëm me autoritetet e Kosovës.
“Dua të shfrytëzoj këtë mundësi të falënderoj personalisht popullatën vendase për mirëkuptimin dhe bashkëpunimin e tyre, si dhe për kontaktin e menjëhershëm me autoritetet e Kosovës, duke e bërë të mundur që ne të marrim dronin dhe të minimizojmë çdo shqetësim të shkaktuar nga incidenti. Kam kërkuar që të bëhet një hetim për shkaqet e mosfunksionimit, në mënyrë që t’i nxjerrim mësimet e duhura nga ky incident”, u shpreh Ai.
Discussion about this post