Prokuroria e Posaçme kundër Korrupsionit dhe Krimit të Organizuar ka depozituar prova të reja në GJKKO që tregojnë përfshirjen e ish-deputetit socialist Alqi Bllako në aferën e inceneratorëve.
Në kërkesën e dorëzuar sot në GJKKO për arrestimin e ish deputetit, SPAK ka dorëzuar të tjera prova që tregojnë se Bllako ka udhëtuar drejt Italisë me Klodian Zoton.
Referuar sistemit TIMS, rezulton që në 16.4.2019 Alqi Bllako ka udhëtuar me avion drejt Torinos së bashku me Klodian Zoton për t’u kthyer një ditë më pas, po së bashku, nga Roma në Rinas.
GJKKO konfirmoi zyrtarisht se SPAK i ka dorëzuar kërkesën për caktim mase sigurie “arrest me burg” për ish-deputetin e PS Alqi Bllako, ndërsa pritet arrestimi i tij nga momenti në moment.
Discussion about this post