SHBA i ka dhuruar autoblinda Forcës së Sigurisë së Kosovës. Autoblindat janë të llojit “ASV M1117”, shkruajnë mediat në Kosovë dhe mund të kryejnë misione të ndryshme duke përfshirë skautët, transportuesit e personelit të këmbësorisë, zbulimin dhe komandimin.
“M1117 ASV” është projektuar për të siguruar mbijetesë maksimale me panele të blinduara të jashtme duke siguruar mbrojtje balistike kundër armëve të ndryshme të vogla. Lajmin për donacionin e këtyre autoblindave nga ana e ShBA-ve e ka bërë të ditur Ministria e Mbrojtjes së Kosovës.
