Deputeti i Partisë Demokratike, Dashnor Sula ka sulmuar ashpër qeverinë se po bën show me fatkeqësinë e shqiptarëve, referuar Paketës së Rezistencës Sociale për luftën me çmimet.
Në fjalën e tij, Sula tha se është për të ardhur keq sesi qeveritarët përpiqen që të manipulojnë qytetarët dhe tallen me ta, sidomos me pensionistët të cilët do të përfitojnë vetëm 30 mijë lekë në muaj për përballimin e çmimeve.
“Ne nuk do të heshtim se ka burra dhe gra të nderuara dhe nga krahu jonë që nuk pasurohen, kishte nja 30 persona që pasuroheshin. E njëjta gjë është dhe për zonjat e nderuara të PS por arroganca është e jashtëzakonshme. Moj ministre 30 mijë lekë që ju i jepni një pensionisti si jepni asnjë bukë në ditë, po vaji, po orizi, po uji si të jetojnë. Mielli është 115 mijë lekë kuintali i miellit si ta blejnë të shkretët. Hani si miu jo si ariu, po ju nuk ju del as ariu dhe as elefanti më. Ju keni humbur realitetin, dhe nëse ne nuk do të bëjmë të pamundurën që ti vëmë një fre qeverisë, nuk do të ketë më njerëz se dhe ne që jemi do të ikim”, ka thënë Sula.
Ndër të tjera, deputeti demokrat i ka bërë thirrje kolegëve të opozitës që të reflektojnë, pasi në të ardhmen nuk do të ngelë më qytetar në vend.
Discussion about this post