Një 44- vjeçar në Elbasan ka dhunuar dhe kërcënuar me armë zjarri gruan e tij, ngjarje e cila mund të kishte përfunduar tragjikisht, nëse bashkëshortja nuk do të kishte denoncuar rastin në polici.
Burime nga policia bëjnë me dije se 44- vjeçari i identifikuar me iniciale L.P., është arrestuar pas ndërhyrjes nga policia. Ndërsa pritet të përballet me akuzën për veprat penale “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit të ushtruar në banesën e të arrestuarit, shërbimet e Policisë kanë gjetur dhe sekuestruar një armë zjarri automatik. Materialet i kaluan Prokurorisë, për veprime të mëtejshme.
Discussion about this post