Inceneratori i Elbasanit, GJKKO vendos masën e sigurisë për 3 nga të arrestuarit (EMRI)

Gjykata Kundër Korrupsionit dhe Krimit të Organizuar, ka caktuar masën e arrestit për 3 të arrestuarit për inceneratorin e Elbasanit.

Konkretisht për personat e identifikuar me emrin Bardhul Çabiri dhe Pëllumb Abeshi është vendosur masa e arrestit me burg. Ndërsa për Sefarin Papën është vendosur masa e arrestit në shtëpi.

Pëllumb Abeshi i cili ka mbajtur postin e Drejtorit të Politikave në Ministrinë e Mjedisit akuzohet për shpërdorim detyre.

Më herët GJKKO vendosur edhe masën e arrestit me burg për ish deputetin e partisë Socialiste, Alqi Bllakon ku ky i fundit do të hetohet për akuzat e përfshirjes në korrupsion pasiv të zyrtarëve shtetërorë për inceneratorin e Fierit.