Avokati i ish-deputetit të PS Alqi Bllako, Sokol Hazizaj, u pyet sot pas seancës në GJKKO nëse klienti i tij kishte në plan arratinë pas masës së arrestit të dhënë ndaj tij dhe madje kishte udhëtuar për në Kosovë. Në përgjigjen e tij, Hazizaj pretendoi se ishte lajm i medias dhe se për këtë tha që kjo nuk tregon të vërtetën.
“Media është e lirë të flasë, por kjo nuk tregon të vërtetën. Mendoj që urdhrat e ekzekutimit të vendimeve të gjykatës nga organi procedural nuk janë urdhrat e medias. Ju nuk arrestoni, ju jeni të lirë të flisni, por kjo nuk tregon të vërtetën” – tha Hazizaj.
I pyetur nëse ka pasur ndonjë deklaratë në gjyq nga Bllako, ai tha se e drejta e pranimit të dokumentit nuk përbën fajësi penale.
“Ne kemi qenë në të njëjtën linjë, e drejta administrative e pranimit të dokumentit është e drejtë normale e nuk përbën fajësi penale” – tha Hazizaj.
Discussion about this post