Superiorja dhe Kategoria e Parë vazhdojnë garimin. Dy duele të tjera janë në program për sot. Teuta pret Skënderbeun në stadiumin “Niko Dovana” prej orës 16:45.
Durrsakët do kërkojnë me çdo kusht të fitojnë, që të mbajnë një distancë sigurie me zonën e ftohtë.
Skënderbeu nga ana tjetër ka nevojë për pikë, pasi renditet në vendin e fundit në klasifikim dhe rrezikon më shumë se çdo ekip rënien në Kategorinë e Parë. Kështu që pritet që dueli i sotëm të jetë si një finale.
Në Kategorinë e Parë përballen dy ekipe që duan të renditen në gjashtë të parat, për të provuar ngjitjen në Superiore përmes “play-off”. Besa-Tërbuni luhet prej orës 15:00 dhe është dueli i fundit i javës së 25-të.
Discussion about this post