Lideri i Lëvizjes së Qytetarëve të Lirë (PSG) në Serbi, Pavlle Grboviq, është sulmuar gjatë ditës së sotme në mbajtjen e zgjedhje në vend. Gjatë konfliktit, Grboviqit i është përplasur koka pas muri para qendrës së votimit Nova Galenika në Beograd. Video e këtij momenti është publikuar në rrjete sociale.
Kujtojmë se ditën e sotme në Serbi do të mbahen zgjedhjet presidenciale, zgjedhjet e parakohshme parlamentare dhe zgjedhjet lokale në Beograd. Gjithsej janë rreth 6 milionë e gjysmë të serbëve që do të votojnë.
Në këto zgjedhje të Serbisë, shqiptarët e Preshevës, Medvegjës dhe Bujanocit garojnë me dy lista dhe pretendojnë të kenë tre deri në katër deputetë.
Ndërkohë, është bërë me dije se vetëm pak ditë para zgjedhjeve në Serbi, më shumë se 6,000 qytetarë shqiptarë që jetojnë në Serbi janë hequr nga listat e votuesve. Një veprim që aktivistët dhe studiuesit shprehen se është për bërë për shkak se janë shqiptarë etnike.
View this post on Instagram
Discussion about this post