Ambasadori i Ukrainës në Gjermani, Andriy Melnyk, ka hedhur sot akuza të forta që kanë ngritur shumë dyshime. Ai ka thënë se presidenti gjerman Frank-Walter Steinmeier ka qenë politikisht i afërt me Rusinë për dekada.
“Për Steinmeier-in, marrëdhënia me Rusinë është diçka thelbësore, madje e shenjtë, çfarëdo që të ndodhë. Presidenti rus beson se nuk ka komb ukrainas, gjuhë, kulturë, dhe për rrjedhojë nuk ka shtet ukrainas”,tha ambasadori ukrainas për gazetën gjermane Tagesspiegel.
“Steinmeier duket se ndan idenë se ukrainasit nuk janë popull”, shtoi Melnyk duke mos u përmbajtur në komentet ndaj presidentit socialdemokrat. Gjermania ka ende shumë interesa në Rusi, të tilla si varësia nga gazi, nafta dhe qymyri, dhe Steinmeier është pjesërisht fajtor për vendimet kur ishte ministër i Jashtëm dhe zëvendëskancelar, pretendon ambasadori ukrainas.
Discussion about this post