Ndonëse gjithçka ishte e faktuar me video dhe foto, babai mostër në Korçë ka mohuar të ketë ngacmuar seksualisht vajzën e tij të mitur 8-vjeçare.
Gjatë seancës për caktimin e masës së sigurisë, 61-vjeçari Jani Kallajxhi ka ngritur alibi që vajza e tij është abuzuar nga persona të tjerë dhe jo nga ai vetë. Ai ka deklaruar që vajzën ia ka marrë para disa ditësh pronari i një lokali bashkë me bashkëshorten, “sepse donin t’i bënin një surprizë.”
“Kam dyshime që ata mund ta kenë ngacmuar vajzën,” është shprehur ai para gjykatës.
Kallajxhi ka deklaruar gjithashtu se ka kërkuar ndihmë nga bashkia dhe shoqata të ndryshime për ushqime dhe për ta çuar vajzën në Tiranë pasi është e sëmurë, por burime nga Prokuroria i konsiderojnë si alibi. Ndërkohë, kujtojmë se Kallajxhi do të qëndrojë në burg deri në përfundim të hetimeve.
Discussion about this post