Pak muaj para se Presidenti Ilir Meta të lërë mandatin më 24 korrik të këtij viti, kanë nisur bisedimet e para mes kampeve politike për emrin e Presidentit të ri.
Mësohet se, kreu i Grupit Parlamentar i PD Enkelejd Alibeaj pritet të takohet me kreun e Grupit Parlamentar të PS Taulant Balla, ministren Elisa Spiropali dhe Damian Gjiknurin, pjesë e grupit negociator, ndërsa takimi do të mbahet në kryesinë e Kuvendit.
PS ka caktuar Taulant Ballën, Elisa Spiropalin dhe Damian Gjiknurin si grupin negociator për procesin e zgjedhjes së presidentit të ri të vendit, ndërsa nga PD qëndrimet janë më kontradiktore për shkak të përplasjeve të brendshme.
Ilir Meta do të jetë në krye të Presidencës deri më 24 korrik 2022, ndërsa Kuvendi duhet të nis procesin e zgjedhjes së tij jo më vonë se 24 maji 2022 sipas Kushtetutës.
Discussion about this post