Alqi Bllako, nga “Certifikatë Karriere” për denoncimin e vjedhjeve të Ramës, tek deputet i PS-së

Alqi Bllako ka qenë kryefjala e mediave në ditët e fundit për shkak të implikimit të tijë në aferën e Incerenatorëve.

Ish-deputeti i PS-së tashmë ndodhet në qeli, teksa edhe mënyra e arrestimit të tij ishte lajm më vetë, pasi dyshohet se ka tentuar që të arratiset, ndërkohë që policia vazhdonte ti dilte në mbrojte me komunikatat që publikonte duke akuzuar madje mediat për “fake neës”.

Alqi Bllako e ka nisur karrierën e tij që në moshën 21-vjeçare si koordinator i COP në PD dhe këshilltar ekonomik i Sali Berishës në vitet 2008-2009, pas përfundimit të studimeve në një universitet privat në Tiranë.

Në muajin shkurt 2008, gjatë një aktiviteti me rastin e 3 vjetorit të COP, kur Bllako ishte 21 vjeç, Sali Berisha e vlerësoi në emër të PD e qeverisë,  me “Certifikatë Karriere” me këtë motivacion: “Kurajo në denoncimin e vjedhjeve të Edi Ramës në Bashki”.

Bllako më pas u katapultua si Këshilltar i Guvernatorit Ardian Fullani, për tregjet financiare, kur ishte vetëm 23-vjeç.

Në fund të vitit 2012 e vlerësoi me çmimin e parë për temën: “Roli i tatimit mbi të ardhurat dhe kapitalet e kompanive”.

Në fushatën e vitit 2013, Alqi Bllako ju bashkua Ilir Metës. Në muajin tetor 2013, me ardhjen në pushtet të PS-LSI, Ilir Meta e emëroi Alqi Bllakon 26 vjeçar, në postin Sekretar i Përgjithshëm në Ministrinë e Mjedisit.

Më 31 korrik 2017, Ilir Meta e emëroi Alqi Bllakon, Sekretar të Përgjithshëm të Presidencës, por pas më se 1 viti e shkarkoi, ngaqë nuk pranoi t’i jepte informacione e dokumente, për aferën që Edi Rama dhe Lefter Koka kishin bërë me landfillet.

Në tetor 2018, Edi Rama e emëroi Drejtor Ekzekutiv të Kompanisë Shtetërore “Alb Gaz Sh.A”, ndërsa në muajin shkurt 2019, me ndërmjetësim të Lefter Kokës e emëroi Drejtor të Përgjithshëm të Agjencisë Kombëtare të të Ujësjellës- Kanalizmeve e Mbetjeve.

Në këtë detyrë, Alqi Bllako qëndroi deri në muajin mars 2021, kur pas fillimit të hetimeve për landfillet, Edi Rama dhe Erjon Veliaj e futën në listën e deputetëve të Tiranës, ku qëndroi deri më 30 mars kur SPAK e çoi në burg.