Ndonëse Gjykata njohu zyrtarisht statutin e Kuvendin të 11 dhjetorit të thirrur nga Sali Berisha, ambasadorja amerikane Yuri Kim ende nuk njeh ish-kryeministrin. Kim ka mbërritur pak minuta më parë në Kryesinë e Kuvendit, ku do të takohet me kreu e grupit parlamentar të PD Enkelejd Alibeajn.
Ende nuk ka informacion në lidhje me temën e diskutimit mes Kim dhe Alibeajt, ndërkohë që kjo vizitë e ambasadores në Kryesi, është e dytë brenda më pak se 24 orëve, ku ditën e djeshme takoi kryeparlamentaren Lindita Nikolla.
Dyshohet se takimet e Yuri Kim lidhen me konsultimet parlamentare për zgjedhjen e presidentit të ri, ndonëse asnjë prej të pranishmëve nuk e konfirmoi këtë temë diskutimi. PS dhe PD pritet të nisin së shpejti diskutimet për të zgjedhur Presidentin e ri pas largimit të Ilir Metës.
Discussion about this post