Ditën e sotme, një zjarr i madh ka shpërthyer në ishullin grek Rodos dhe për shkak të erës së fortë është bërë me dije se flakët kanë marrë përmasa të mëdha.
Sipas autoriteteve lokale në vendngjarje kanë mbërritur forcat zjarrfikëse, ndërsa shkaku i rënies së zjarrit nuk është zbardhur ende.
Kryetari i komunës së Saroni në Rodos, Manolis Boniatis, është shprehur për mediat lokale se është lëshuar një njoftim për evakuimin e një pjese të fshatit afër zjarrit për të ulur rrezikun e ndonjë incidenti që mund të ndodh më vonë.
“Kryetari dhe Këshilli i Komunës së Soronit kërkojnë nga banorët që të evakuojnë menjëherë fshatin për shkak të një zjarrit që po i afrohet vendbanimit. Veçanërisht duhet të ofrohet ndihmë për të moshuarit”, thuhet në njoftimin e Komunës së fshatit Saroni në Rodos.
Së fundmi, mësohet se është evakuuar dhe shkolla 9-vjeçare e fshatit për arsye sigurie.
Discussion about this post