Gonzalo Higuain është gati të thotë mjaft me futbollin. Sulmuesi 34-vjeçar, dikur i Napolit, Juventusit dhe Milanit, ndër të tjera, ka vendosur të tërhiqet në fund të kontratës së tij aktuale me Inter Miami (31 dhjetor 2022), ashtu siç bëri të ditur babai i tij Jorge për “TNT Sports”.
Pas debutimit të tij me fanellën e River Plate në moshën 17 vjeçare, më 29 maj 2005 nën urdhrat e z. Leonardo Astrada, El Pipita filloi një rrugëtim të gjatë në futboll që e çoi atë të vishte fanellat e disa prej ekipeve më të rëndësishëm të botës, si River Plate (2005-2007 në ekipin e parë, pas tetë vitesh në sektorin e të rinjve), Real Madrid (2007-2013), Napoli (2013-2016), Juventus (2016-2018), Milan (2018-2019) , Chelsea (2019), sërish Juventus (2019-2020) dhe nga 2020 Inter Miami.
Shifra e tij personale flasin vetë: 319 gola në 680 paraqitje. Palmaresi tij është gjithashtu i lakmueshëm, teksa e pa atë të fitojë La Liga tre herë (Real Madrid: 2006-2007, 2007-2008, 2011-2012), dy herë Superkupën e Spanjës (Real Madrid: 2008, 2012), një herë Kupën e Spanjës (Real Madrid: 2010-2011), tre herë kampionatin italian, (Juventus: 2016-2017, 2017-2018, 2019-2020), tre herë Coppa Italia (Napoli: 2013-2014; Juventus: 2016-2017-2016-2017), Superkupën e Italisë (Napoli: 2014) dhe një Europa League (Chelsea: 2018-2019).
Keqardhja me e madhe? Me siguri vendi i dytë në Botërorin 2014 në Brazil me Argjentinën, me të cilën luajti 75 ndeshje dhe shënoi 31 gola.
Discussion about this post