Një tjetër aksident i rëndë është shënuar mbrëmjen e kësaj të marte në Maliq. Burime nga policia bëjnë me dije se ngjarja ka ndodhur rreth orës 19:45, në aksin rrugor Korçë-Bilisht, pranë kryqëzimit të fshatit Plasë, Maliq.
Nga aksidenti raportohet se paraprakisht janë plagosur pesë persona të cilët janë transportuar me urgjencë në gjendje të rëndë.
Në aksident janë përfshirë mjeti tip “Toyota” me drejtues B. C., me mjetin tip “Renault”.
Për pasojë janë dëmtuar drejtuesi i mjetit tip “Renault” dhe një pasagjer i tij, si edhe një pasagjere e mjetit tip “Toyota”, të cilët u transportuan në Spitalin e Korçës dhe ndodhen nën kujdesin e mjekëve.
Paraprakisht dyshohet se shkak i aksidentit janë bërë manovrat e shpejtësisë dhe mosrespektimi i sinjalistikave rrugore nga ana e dy drejtuesve të mjeteve.
Ndërsa policia nuk ka qenë në patrullim, për ta parandaluar ngjarjen.
Grupi hetimor ndodhet në vendngjarje dhe po punon për përcaktimin e shkakut të aksidentit.
Gijotina.com raporton se bilanci i aksidenteve rrugore vijon të rritet.
Discussion about this post