Sulmi në Ukrainë/ Ja vendimi i Greqisë për diplomatët rusë

Ditën e sotme, Greqia ka shpallur non grata 12 diplomatë rusë që po kryenin misionin e tyre diplomatik në shtetin Grek.

Lidhur me vendimin që është marrë, mediat vendase bëjnë me dije se ministria e Jashtme ka dëbuar nga vendi 12 anëtarë të Misioneve Diplomatike dhe Konsullore të Federatës Ruse, të cilët janë akredituar në Greqi.

Gjithashtu, vendimi është marrë në kuadër të luftës në Ukrainë ku deri më tani ka pasur pasoja dhe humbje të mëdha, janë vrarë mijëra civilë dhe janë shkatërruar qindra ndërtesa.

Së fundmi, dëbimi i tyre është bërë në përputhje me dispozitat e Konventës së Vjenës të vitit 1961 për Çështjet Diplomatike dhe Konventës së Vjenës të vitit 1963 për Çështjet Konsullore.