Një 57-vjeçar është dënuar me dy vjet e nëntë muaj burg pasi u kap me 2500 bimë kanabisi në një plantacion droge në Gelsenkirchen, Gjermani.
Gjatë një bastisjeje në tetor, policia zbuloi plantacionin profesional. Në dëshminë e tij ai u shpreh se udhëtoi nga Greqia për këtë punë, për të fituar para për familjen.
Nuk dihet ende nëse ka persona të tjerë të përfshirë në këtë veprimtari kriminale.
Pritet të zbardhen detaje pas marrjes në pyetje të 57- vjeçarit.
Trafikimi i drogës nga shqiptarët, në Greqi, Itali, Gjermani e vende të tjerë të Evropës është kthyer në një fenomen. Kujtojmë se vetëm 2 ditë më parë Tre shqiptarë u arrestuan në Greqi, pasi akuzohen për trafikim të lëndëve narkotike në Athinë dhe armëmbajtje pa leje.
Arrestimi i trafikantëve është bërë në Zografou dhe Vouliagmeni. Shqiptarët janë të moshës 36, 46 dhe 48 vjeç dhe një 45-vjeçar grek, të cilët tashmë do të përballen me akuzën për trafikim të lëndëve narkotike dhe armëmbajtje pa leje.
Të gjithë të arrestuarit u dërguan në Prokurorinë Publike të Athinës.
Discussion about this post