“Lufta” mes Qeverisë dhe Presidencës, ose mes Ramës dhe Metës do të jetë e fortë deri në ditën e fundit kur do të zgjidhet Presidenti i ri dhe këtë e tregoi përsëri sot vendimi i Këshillit të Ministrave. Në mbledhjen e ditës së sotme një nga vendimet e marra në Këshillin e Ministrave, është edhe ai që i hiqet kompetencat që ka Presidenti i Republikës për dhënien e shtetësisë.
Sipas vendimit, në kreun 5 të ligjit të ri, ku parashtrohen rregullat e procesit të verifikimit të vlerësimit të kërkesave për shtetësi, Ministri përgjegjës për rendin dhe sigurinë publike, do jetë ai që do të vlerësojë relacionin dhe konstatimin e mosplotësimit të kritereve teknike si dhe do marrë vendim për refuzimin e kërkesave për fitimin e shtetësisë. Pra, qeveria heq pikën 2 të Nenit 19 për shtetësinë, ku shprehej se “në përfundim të kryerjes së verifikimeve, sipas parashikimeve, ministria i përcjell Presidentit të Republikës propozimin për nxjerrjen e dekretit për heqjen e shtetësisë”. Kështu i hiqet dhe një e drejtë tjetër që i jepte Kushtetuea, Ilir Metës.
Heqja e kompetencave të Presidentit nuk është risi në ‘betejën’ Qeveri-Presidencë. Në 24 korrik 2020, Kuvendi ndryshoi ligjin për statusin e magjstratëve, me anë të të cilave u ndryshua insititucioni para së cilit bëhej betimi. Neni 61 i ligjit të mëparshëm parashikonte se anëtarët e Gjykatës së Lartë betoheshin para Presidentit, ndërsa me ndryshimet e miratuara ata do të betohen para KLGJ-së.
Përplasja siç duket do të vazhdojë deri në datën 24 korrik 2022, ditë kur do të zgjidhet edhe Presidenti i ri i vendit. Kujtojmë se përplasja Qeveri-Presidencë ka qenë më e ashpra në 30 vite pluralizëm, që kur Ilir Meta me votat e Edi Ramës është ulur në atë karrige. Kjo përplasje përveç deklaratave dhe tejkalimit të kompetencave, arriti deri në atë pikë sa Parlamenti në 9 Janar 2021, votoi për shkarkimin e Ilir Metës, por që ky shkarkim doli nul nga Gjykata Kushtetuese në 17 shkurt 2022.
Gijotina.com
Discussion about this post