Njësia administrative Ndroq i shtohet bashkisë së Tiranës dhe listës së vendeve të cilat do të betonizohen nga Erion Veliaj. Tashmë Veliaj ka mundësi të ndërtoj më shumë pasi Këshilli i Ministrava ka miratuar sot vendimin për ta shpallur Ndroqin “zonë e re në zhvillim” e cila u jep rrugë ndërtimeve dhe oreksit të madh të kryetarit të bashkisë për të ndërtuar kulla dhe pallate. Konkretisht nëpërmjet aktit normativ numër 9 për përballimin e pasojave të fatkeqësisë natyrore u vendos nëpërmjet propozimit të Zëvendëskryeministrit Arben Ahmetaj që kjo zonë të jetë pjesë e bashkisë Tiranë.
Sipas ligjit, ky akt rregullon funksionimin e organeve përgjegjëse për rehabilitimin dhe rindërtimin e komuniteteve dhe të territoreve të prekura nga fatkeqësitë natyrore ose fatkeqësi të tjera, si dhe zhvillimin e territoreve të reja, duke përcaktuar detyrat dhe përgjegjësitë e tyre, programet e procesit të rindërtimit, funksionimin e fondit të rindërtimit dhe procedurat përkatëse.
Nëpërmjet fondit të rindërtimit ndërtohen ose rikonstruktohen objekte dhe zhvillohen zona të reja, sipas parashikimeve të këtij akti normativ. Ajo që bën përshtypje është fakti se në këtë rast pushteti qendror dhe vendor, në këtë rast Ministria e Rindërtimit dhe bashkia Tiranë bashkëpunojnë në fuqi të plotë duke mos patur asnjë lloj pengesë për të ndërtuar apo zaptuar sepse ligji ua jep fuqinë. Kujtojmë që nëpërmjet këtij akti normativ u prek dhe lagjja “5 Maj” ku përfituan njerëzit e prekur nga tërmeti por humbën shtëpitë banorët që jetonin aty, qytetarë të cilët tashmë kanë ngelur rrugëve pa qera dhe garanci nga Erion Veliaj.
Discussion about this post