Një aksident i rëndë ka ndodhur në aksin rrugor kryesor Podgoricë-Cetinjë, ku për pasojë tre persona kanë humbur jetën. Sipas informacioneve jozyrtare të “Vijesti”, janë vrarë S.R 68 vjeç dhe B.R 63 vjeç nga Herceg Novi dhe D.P 36 nga Podgorica.
Sipas informacioneve jozyrtare të “Vijesti”, mes këtyre dy automjeteve ka ndodhur një përplasje kokë më kokë. Në aksident janë përfshirë dy automjete “Tuareg” nga Podgorica dhe “Skoda” me targa të Herceg Novi.
Një hetim është duke u zhvilluar nga Prokuroria Themelore e Shtetit në Cetinje. Punonjësit e policisë po heqin gjurmët, ndërsa në vendngjarje ndodhen efektivët e Shërbimit të Mbrojtjes dhe Shpëtimit. Qarkullimi u bllokua dhe nga të dy drejtimet u formuan kolona makinash.
Discussion about this post