Pjesa më e madhe e Lezhës përfshi edhe qytetin ndodhen prej disa orësh në terr. Burime bëjnë me dije se në këtë qytet ka mungesë e energjisë elektrike qe prej orës 03:00 të mëngjesit të sotëm. Shkak për këtë shkëputje është bërë fakti se, nënstacioni elektrik në Lezhë nuk furnizohet me energji për shkak të një defekti në linjën e tensionit të lartë 110 kv në Dajç.
Energji kanë vetëm zona e bregut të Matit që furnizohet nga nënstacioni i Rrilës. OSHEE bën me dije se po punon për rikthimin e energjisë, ndërkohe presin që OST te riparojë defektin. Por moti i keq e ka bërë më të komplikuar situatën, ndërsa banorët ankohen se kjo situatë përsëritet pothuajse sa herë që bie shi.
Sakaq, mëngjesin e sotme dita ka nisur me reshje në të gjithë vendin dhe në disa qytet kanë nisur problemet e para si bllokim rrugësh, shkëputje e energjisë elektrike, apo rrëshqitje dherash.
Discussion about this post