Sinan Ademi nga Gjilani ka pritur dy orë për ta takuar Presidenten Vjosa Osmani, por s’ka arritur që të flasë me të, pasi presidentja e ka injoruar duke mos e takuar.
Para se të vinte presidentja, i moshuari qante nga emocionet se do ta takonte të parën e shtetit, por Osmani nuk e takoi.
“Po kaj valla, veç prej gëzimi që ma pruni Zoti me përjetu shqiptaren presidente. Te shkallët kom me rujt, n’më lidhshin Policia, le t’më lidhin, qaty kam me i dal përpara. Vec dy fjalë i kam”, tha Ademi, por presidentja e injoroi.
“Dy fjalë i kam…”, dëgjohet Ademi duke i thënë presidentes, e cila nuk ndalet për ta dëgjuar, por vetëm e vazhdon rrugën.
Presidentja Osmani që nga dje ka nisur vizitat nëpër komunat e vendit. Të parën komunë që ka vizituar është ajo e Gjilanit, udhëhequr nga Alban Hyseni i Lëvizjes Vetëvendosje.
Discussion about this post