Një tjetër aksident i rëndë është shënuar pasditen e kësaj të enjteje në Pogradec. Burime nga policia bëjnë me dije se ngjarja ka ndodhur rreth orës 15:30 në aksin rrugor Pogradec-Gështenjas, në afërsi të Lumit të Vërdovës.
Të njëjtat burime bëjnë me dije se mjeti tip autobus, me drejtues Xh. M., banues në Pogradec, ka aksidentuar një të mitur 12-vjeçar, banues në Pogradec, i cili u dërgua në Spital dhe ndodhet jashtë rrezikun për jetën.
Paraprakisht dyshohet se shkak është bërë mosrespektimi i sinjalistikave rrugore, ndërsa policia nuk ka qenë në patrullim për të p[parandaluar ngjarjen.
Grupi hetimor po punon për sqarimin e rrethanave të ngjarjes.
Gijotina.com raporton se bilanci i aksidenteve rrugore vjen duke u rritur, vetëm dy ditë më parë 4 persona mbetën të plagosur rëndë si pasojë e një aksidenti në Plasë të Korçës. Një 17- vjeçare ndodhet në gjendje kritike për jetën pasi ka pësuar dëmtime të organeve të brendshme.
Discussion about this post