Ditën e djeshme në një konferencë për mediat, kryeministri Edi Rama deklaroi se qeveria po sheh mundësin e legalizimit të kanabisit për qëllime mjekësore. Por mjeku i njohur Ilir Alimehmeti nuk është pro këtij vendimi. Sipas tij që prej më shumë se 40 vitesh në vendin tonë nuk ka pasur më studim që mund të vërtetojë efektet shëruese që ka kjo bimë, prandaj dhe një hap i tillë nuk mund të merret i pastudiuar. Sipas tij përdorimi i kanabisit krijon varësi dhe kjo e bënë të vështirë kontrollin në një vend si Shqipëria.
“Gjykimi im është i bazuar ne evidenca, nëse do të kemi të dhëna që sjellin përmirësim te sëmundjet, patjetër që po. Por duhet përcaktuar edhe doza, së mbi një sasi të caktuar mund të jetë vdekjeprurëse. Ne duhet të shohim hapësira, por duhet fillimisht të ketë kulturë të mjaftueshme. Unë jam për testimin e këtyre substancave. Studimet për përdorimin mjekësor të kanabisit janë të pakta, që në 1970 kanabisi është cilësuar medikament i skedës 1, në të njëjtin nivel me heroinën, ku ka mundësi të larta për abuzim, dhe nuk kanë një siguri të pranuar.
Kjo është në SHBA, ndërkohë që 36 vende atje e kanë lejuar kanabisin mjekësor, ndërsa qeveria federale jo. Është një produkt që ka qenë më parë i përdorur si mjekim, ka disa lloje që kanë marrë përdorim nga FDA, zakonisht për trajtimin e epilepsisë, në forma shumë të rralla, numri i personave këtu do të ishte tejet i vogël. Edhe në disa raste për kimioterapinë. Të gjitha studimet janë bllokuar, ka fusha potenciale për përdorimin, por fillimisht kjo duhet të hiqet nga skeda. Ne në Shqipëri nuk i përdorim mjekimet me bazë kanabisi. Nuk e ndajmë dot, sa kohë që nuk ka studime, do të jenë kompanitë ato që do të vendosin nëse ju intereson në aspektin ekonomi”, tha ai.
Ndërsa shtoi më tutje se, kanabisi ka një rrezik të lartë abuzimi, dhe nuk ka ndonjë efekt të njohur për sëmundje të caktuara. I duhet lënë hapësira që këto substanca të përdoren, dhe padyshim do të përdoreshin dhe nga ne.
Discussion about this post