Ndryshe nga ministrat dhe deputetët e tjerë të Partisë Socialiste, Erion Braçe, e ka shfrytëzuar Kongresin për ta kritikuar qeverinë dhe për të ngritur problemet e shumta që ka bujqësia në Shqipëri. Braçe vuri theksin në fjalën e tij tek plaga e madhe e prodhimit vendas të goditur edhe nga importi. Sipas tij, ne kemi pak afrimitet me importet, madje dhe afrimitet klientelist dhe të lëndëve të para e produkteve te gatshme që vijnë nga importi.
“Pandemia, lufta në lindje të Evropës do duhej të na kishte bërë të vetëdijshëm për nevojën jetike të fshatit, bujqësisë, blegtorisë, prodhimi vendas, fshatarëve ta themi troc se është përdorur me konotacion negativ ndërkohë që s’është turp të jesh nga fshati. S’ka ndodhur duhet ta pranojmë e nga unë i pari të pranojmë një nga arsyet e rëndësishme se ne kemi pak afrimitet me importet, madje dhe afrimitet klientelist dhe të lëndëve të para e produkteve te gatshme që vijnë nga importi. Është themelore kjo veçanërisht ndarja e tregtarëve të mëdhenj të lëndëve të para që cmimet e tyre po i vuajnë të gjithë që janë këtu sot” – tha Brace.
Braçe gjithashtu u shpreh se sot në Shqipëri vetëm katë veta sjellin vajin, 3 veta sheqerin, 4 veta orizin, siç dy veta zotërojnë tregun e inputeve bujqësore që vuani të gjithë çmimet e tyre. Një shqetësim tjetër i ngritur prej tij ishte edhe mungesa e konkurrencës dhe se sipas tij, një pjesë e madhe e importuesve kanë abuzuar barbarisht gjatë këtij viti e vitit që kaloi.
“Katër veta sjellin sot vajin, 3 veta sheqerin, 4 veta orizin, sic dy veta zotërojnë tregun e inputeve bujqësore që vuani të gjitihë cmimet e tyre. Nuk është e vërtetë ajo që ne themi zakonisht që në atë treg ka konkurrencë. Një pjesë e madhe e tyre kanë abuzuar barbarisht gjatë këtij viti e vitit që kaloi. Të dhënat qe kam une nga Doganat e Tatimet tregojnë që kanë shitur 50% më shtrenjtë nga sa kanë sjellë në doganë plehrat kimike që një pjesë janë dhe të paçertifikuara. Pra bujqësi jo aq sa duhet e nevojitet dhe importe te shtrenjta të produkteve të gatshme që na vijnë nga Evropa e më gjerë e kjo është kriza jonë këtë krizë ne duhet ta adresojmë për ta zgjidhur” – u shpreh Braçe.
Por duke qenëse kritikat ndaj qeverisë për favorizimin e oligarkëve nuk i pëlqejnë Edi Ramës, Braçe pati edhe një devbat me deputetin e Partisë Socialiste, Arben Pëllumbi. Duke kritikuar qeverinë se po i favorizon dhe i mbron oligarkët, Pëllumbi tentoi që t’ia ndërpres fjalën Braçes, por që ky i fundit ia vuri në dukje duke i thënë se kjo gjë nuk kishte nodhur që në 1990-ën.
“Është një kërkesë e gjithë bujqve këtu, që patjetër të kemi një kosto të tyre që mos të abuzojnë një kategori njerëzish që edhe si politikanë i lavdërojmë dhe i mbrojmë shumë, i favorizojmë shumë, por që natyrishgt që janë në kurriz…. tani ti do që unë mos të flas? Po s’ka ndodhur që nga 1990, Ben nuk ka ndodhur kjo gjë” – tha Braçe.
Discussion about this post