Kryeministri Edi Rama duket se e ka paraprirë largimin e Bashës nga posti si kryetari i Partisë Demokratike. Ai tha se e ka ditur prej kohësh se opozita me në krye Bashën do të përfundonte në këtë gjendje. Madje ka zbuluar për herë të parë, se këtë gjë ia ka dërguar me mesazh edhe Bashës.
Rama, ndër të tjera ka deklaruar në konferencë për mediat se opozita aktuale nuk i duhet aspak Shqipërisë.
“Mua nuk më mungojnë ata fare dhe unë mendoj se Shqipëria po humbet në këtë moment se nuk ka atë farë opozite. Nuk është ndonjë humbje për Shqipërinë kjo, përkundrazi. Kjo duhet të kishte ndodhur me kohë. Ia kam çuar dikur me mesazh Lulzim Bashës dhe kam gabuar vetëm në një vit diferencë. Kam qenë më shumë optimist se do të ndodhte më shpejt e gjithë kjo, por për sa i përket shqetësimit tim të mandatit të katërt, ne sapo kemi filluar të katërtin”, u shpreh Rama.
Discussion about this post