Gjendja shëndetësore e 29-vjeçarit Dino Majko është e rëndë por e qëndrueshme. 29-vjeçari i cili u plagos me thikë mbrëmjen e kaluar në qytetin e Sarandës nga Eniveld Aliaj, 37 vjeç, autori i dyshuar i shpallur në kërkim nga policia. 37-vjeçari Aliaj është me profesion peshkatar dhe njihet si person problematik dhe me rrezikshmëri shoqërore, pasi ka qenë i shoqëruar në muajt e fundit edhe për ngjarje të tjera kryesisht zënka.
Zënka mes Majkos dhe Aliajt ka nisur jashtë një lokali në lagjen nr.1 të Sarandës, mbi shëtitoren e qytetit rreth orës 21:50 dhe më pas të dy personat kanë përfunduar duke u konfliktuar brenda tij, teksa dëshmitarët janë shprehur të tronditur për atë që kanë parë. Ngjarja ka ndodhur në një lokal nate, në një kohë që në të kanë qenë klientë dhe turistë të shumtë dhe skenat prej tyre janë përshkruar si të tmerrshme.
29-vjeçari është goditur disa herë më thikë nga Aliaj në bark, shpinë, gjoks dhe kofshë, por fatmirësisht nuk ka pasur çarje enësh gjaku dhe gjendja e tij është e stabilizuar.
Ndërsa autori rezulton një person i njohur për policinë dhe problematik, nga ana tjetër kjo është hera e dytë që Dino Majko plagoset. Në gusht të vitit 2020, atëherë 27 vjeç Majko u plagos në lagjen 4 në Sarandë me thikë pas një konflikti me disa persona të tjerë për motive banale.
Policia e Sarandës ka ngritur një grup hetimor për krimin, teksa ka shoqëruar disa dëshmitarë për të zbardhur ngjarjen. Deri tani plagosja thuhet se ka ardhur për motive të dobëta.
Postblloqe të shumta janë ngritur në rrugët hyrëse e dalëse të Sarandës dhe shërbimet e Policisë po krehin zonën për të bëre të mundur kapjen e autorit. Ka Gjatë natës ka pasur dhe kontrolle banesash në vendet e dyshuara se mund të fshihet autori.
Discussion about this post