Deputetja demokrate Dhurata Çupi ka reaguar sot në lidhje me sulmin që Edi Rama i bëri PD në Kongresin e Partisë Socialiste. Ai konkretisht kërkoi shkatërrimin e opozitës dhe kjo thirrje ka bërë bujë në rrjet. Edhe Dhurata Çupi e konsideron të patolerushme dhe të dhunshme këtë deklaratë të kryeministrit.
Ndërkohë deputetja demokrate i kujton Ramës në shenimin e saj se integrimi në BE nuk mund te vijë kurrë kur synohet denigrimi i opozitës. Ndërsa theksoi se Rama po tregon hapur që kërkon vendosjen e regjimit komunist në vend. “Nuk do të lutemi më qe të na pranojnë në BE, deklaroi Rama, si pasardhësi me përfaqësues i diktatorit Enver Hoxha. Sepse në vendet e BE, nuk tentohet të shuhet opozita por të konkurrohet opozita. Nuk sulmohet opozita, nuk tentohet të denigrohet opozita. Ajo sfidohet me qasje demokratike. Prandaj s’të pranojnë ne BE”, theksoi ajo. Ndërsa u shpreh se një vend demokratik nuk ka kuptim pa opozitë.
Discussion about this post