Është shkrumbuar nga flakët makina e kryeplakut të Vermoshit në Malësi të Madhe, Prek Vata. Mësohet se, ngjarja ka ndodhur gjatë pasdites të së dielës, në qendër të fshatit, ku makina tip “Fuoristradë” është shkrumbuar plotësisht nga flakët e zjarrit.
Ka qenë vetë kryeplaku Vata, rreth 70-vjeç, i cili ka deklaruar se djegia e mjetit ka qenë e qëllimshme. Sipas tij, autori ka thyer fillimisht xhamat e makinës dhe më pas ka hedhur benzinë në automjet.
Vata nuk ka qenë i pranishëm në momentin e ngjarjes por është lajmëruar nga të afërmit. Ndërkohë, specialistët e policisë janë nisur drejt vendit të ngjarjes, për të zbuluar më shumë rreth shkaqeve të zjarrit.
Discussion about this post