Ndonëse jemi zyrtarisht në stinën e pranverës, reshjet e borës dhe i ftohti ekstrem janë ende të pranishëm në disa zona të Shqipërisë. Reshjet e borës që ranë ditën e djeshme në Dibër, mbushën edhe një herë malet, përfshirë dhe zonat e ulëta në lartësinë 550 metra mbi nivelin e detit.
Mëngjesin e sotëm termometri ka shënuar sërish -3°C në qytetin e Peshkopisë, ndërsa në zonat mbi 800 metra temperaturat kanë qenë edhe më të ulëta. Dimri i vonë ka gjetur të lulëzuara një pjesë të pemëtoreve.
Temperaturat e ulëta ndikojnë ndjeshëm në uljen e prodhimit ku edhe pse bora nuk qëndroi gjatë, sërish ekziston rreziku që të ketë probleme me mbjellat.
Discussion about this post