Ambasada e SHBA-së në Tiranë ka reaguar menjëherë pas vendimit të DASH për shpalljen non-grata të ish-deputetit të PS Aqif Rakipit dhe biznesmenin Ylli Ndroqi. Përmes një postimi në TWitter, kim ka rishpërndarë postimin e DASH dhe thekson se për të dy personazhet do të ndalohet rreptësisht hyrja në SHBA.
Madje ajo thekson se iu ndalohet të shkelin në territorin amerikan edhe familjarëve të tyre. Vetëm pak më parë DASH publikoi vendimin ku bëhet me dije se janë marrë sanksione ndaj disa zyrtarëve në Ballka. Për ish-deputetin Rakipi shkruhet se ka qenë prej kohësh i përfshirë në krimin e organizuar dhe është i lidhur ngushtë me një grup kriminal të organizuar, nën ndikimin e të cilëve ka ushtruar ndikim politik, duke përfshirë edhe korrupsionin.
Ndërsa Ndroqi, pronar mediash, pasuritë e të cilit janë sekuestruar nga qeveria shqiptare në vitet 2020 dhe 2021 për veprimtari të mëparshme kriminale akuzohet se ka shfrytëzuar mediat për të zhvatur dhe shantazhuar qytetarët shqiptarë.
Discussion about this post