Visjan Ukcenaj është ndër aktorët komikë më të njohur në vendin tonë. Prej vitesh është pjesë e show-t të humorit, Klanifornia. Gjithashtu, ai është dhe shumë aktiv në rrjetet e tij sociale ku ndan shpesh video funny me familjen dhe miqtë.
Ditën e sotme, Visjan ishte i ftuar në emisionin e mëngjesit “Wake Up” ku ka folur për emrat me përkëdheli që përdorin çiftet me njëri-tjetrin në përgjithësi. Aktori zbuloi se ai dhe partnerja, Jona, e thërrasin njëri-tjetrin “zhepsi ose zhesi”.
“Ka lindur si një fjalë e përkëdhelur e fjalës zemër. Dhe doli zeshi. Në 11 vite lidhje kjo është e vetmja fjalë që përdorim me njëri-tjetrin. Po më thirri me emër dhe mbiemër, diçka ka ndodhur. Kur je gjithë kohës duke thirrur njëri-tjetrin me shprehjen e dashurisë, e papritur gjërat bëhen zyrtare dhe ajo të flet me emër do të thotë: “Hajde flasim për disa gjëra serioze”.”
Visjani dhe Jona janë në një lidhje prej 11 vitesh. Ata janë njohur në kohën kur kanë qenë studentë. Jona ka treguar në një intervistë më parë se në atë kohë, Visjani ishte ndër të vetmit djem që u bënte foto vajzave në Akademinë e Arteve dhe kjo gjë i ka tërhequr vëmendjen.
Nga ana tjetër, aktori ka zbuluar se përpjekjet e tij dhe sfidat që kishte kaluar për t’i fituar zemrën bashkëshortes, kanë qenë të shumta.
“Që në impaktin e parë ndjeva kuriozitet. Ishte një femër e cila nuk ishte e zakonshme dhe ishte shumë e mbyllur. Nuk fliste me njeri. Ishte realisht një sfidë, pasi unë isha mësuar që në Akademi përgjithësisht tipat e njerëzve duan të bien në sy. Pastaj kam këmbëngulur për tre muaj rresht që ta takoja, që të dilte në një tek kafe. Çfarë nuk bëja. Futesha në mes të klasës pa pikë lidhjeje, bëja një batutë interesante dhe ikja.”
Kujtojmë se, çifti simpatik u bënë prindër për herë të parë në vitin 2018 kur mirëpritën në jetë vogëlushin, Divin.
Discussion about this post