Qerime Hoxha, gruaja e Xhevahir Hoxhës, i cili vrau bashkëjetuesen e të birit, Merushe Hazizin, thotë se marrëdhënia mes tyre ishte e acaruar. Teksa pastronte gjakun e së ndjerës, ajo ka thënë se vrasja kishte ndodhur në kuzhinë dhe më pas 61-vjeçari kishte dalë nga shtëpia pa folur fare derisa më pas u gjet i vetëvarur në pemë.
Ndër të tjera, ajo deklaroi 30-vjeçarja i thoshte shpesh 61-vjeçarit se nuk kishte vend në shtëpi edhe pse kishte vetëm një muaj që kishte ardhur të jetonte në shtëpinë e tyre.
“Ajo i thoshte mos hajde këtu se janë shtëpitë e mia, na acaronte shumë. Ajo 1 muaj kishte që kishte ardhur këtu, jetonin me qira. Ai thoshte nëpër fshat do e vras, po nuk ma merrte mendja se do e bënte këtë punë. Burri im e vrau nusen më thikë, mua nuk më foli fare. Nuk më tregoi gjë fare vetëm iku”, tha vjehrra e gruas.
Kujtojmë se ngjarja e rëndë ndodhi mesditën e sotme, ku Xhevarhir Hoxha maskaroi me thikë bashkëjetuesen e djalit të tij dhe më pas vari vetën në pemë. Sherri në familje kishte nisur tre vite më parë ku djali i Xhevairit kishte filluar të bashkëjetonte me Merushen, e cila ishte nëna e tre fëmijëve nga një martesë e mëparshme.
Por 61- vjeçari nuk ishte dakord e për këtë arsye ata kanë pasur mosmarrëveshje dhe konflikte të vazhdueshme në familje, deri sot duke degraduar në vrasje.
Discussion about this post