Pas debateve që po ndodhin në mbledhjen e grupit parlamentar të PD ka reaguar deputeti Ervin Salianji. Ai ka thënë se duhet t’i jepet mundësua çdo demokrati të dëgjohet dhe të mendohet për bashkim, si e vetmja zgjidhej për te prishur ngërçin në parti. Sakaq, Salianji ka pasur edhe një thirrje të drejtpërdrejtë për ish-kryeministrin Sali Berisha. Ai i ka kërkuar këtij të fundit që të mos sulmojë më ambasadoren e SHBA-ve, Yuri Kim, për çështjen non-grata dhe as përfaqësues të tjerë amerikan, pasi nuk mund të fajësojmë ata për gabimet e tjetër kujt.
“Po ju kërkoj dhe diçka si kolegë, secili prej jush është në të drejtën e vet për sa kohë flet në cilësi personale dhe jo në emër te grupit por, Zoti Berisha duhet të ndalen sulmet ndaj ambasadores amerikane dhe çdo përfaqësuesi të Shteteve të Bashkuara. Problemet ja kemi shkaktuar njeri tjetrit, nuk mund te shpallim fajtorë ambasadoret për gabimet e dikujt! Ma ka ndare jo mbështetja ndaj një personi, por mbështetja qe i kemi dhëne siglës dhe puna për demokratët” u shpreh Salianji.
Sakaq, ai kishte edhe një kërkesë tjetër për të gjithë deputetët. Sipas Salianjit duhet të zhvillohen mbledhjet me agjendë pasi ndryshe nxiten konflikte. Sakaq, edhe referuar vendimit të gjykatës, Salianji tha se duhen thirru të gjitha palët, pavarësisht se kush e njeh apo jo atë vendim dhe jo të veprohet në mënyrë ultimatume.
Discussion about this post