Deputeti demokrat Dashnor Sula ka reaguar në lidhje me raportin e Departamentit Amerikan të Shtetit mbi zbatueshmërinë e ligjit në Shqipëri, ku e cilëson korrupsionin si problemin kryesor në vend.
Me anë të një postimi në Facebook, Sula ka theksuar se Shqipëria e portretizuar zymtë nga DASH, nuk është ajo që aspiron të jetë një vend anëtare e Bashkimit Europian, por një vend i nivelit të tretë.
“Pasi lexon disa nga gjetjet e raportit të DASH, të krijohet përshtypja se nuk flitet për Shqipërinë e cila aspiron të bëhet antare e BE, por për një vend të nivelit të tretë. Në mënyrë të vazhdueshme, unë, ne ,deputetët e opozitës i kemi denoncuar me fakte dhe prova me radhë secilën prej problematikave. Por teksa propaganda e pasur i ka mbytur denoncimet tona, edhe një herë Shtetet e Bashkuara të Amerikës i dalin Shqiptareve në krahë, na dalin ne në krahë dhe ngrenë shqetësimin e pandëshkueshmërisë në vendin tone”, ka shkruar ai.
Sula akuzon kryeministrin Rama se është duke varfëruar shqiptarët, si një mënyrë për të ulur reagueshmërinë e tyre si dhe për të kundështuar qeverinë.
Discussion about this post