Pasi mori votat e plota nga anëtarët e Asamblesë Kombëtare për të vazhduar detyrën e tij, Damian Gjiknuri ka mbledhur sot Sekretariatin Partisë Socialiste të ristrukturuar. Lajmin e ka bërë të ditur vetë Gjinknuri, ku tregon se si Sekretar i Përgjithshëm në mbledhje ka vënë fokusin te riorganizimi i partisë në cdo degë të saj. Sipas tij, risit do të sjellin dhe rigjenerim të partisë, ndaj duhet të veprohet sa më parë.
“Diskutuam mbi procesin zgjedhor që do të zhvillohet në të gjitha strukturat e Partisë Socialiste i cili do konkludojë me zgjedhjen e 61 kryetarëve të Partisë në të gjithë vendin me qëllim ri-organizimin dhe energjizimin e çdo strukture të forcës sonë politike. Partia Socialiste e Shqipërisë gjithmonë ka reflektuar eksperiencën e duhur për të përballuar me sukses sfidat që sjell koha”, thekson Gjiknuri.
Kujtojmë se, në Kongresin e 9 prillit, Damian Gjiknuri është votëbesuar për të vijuar detyrën e tij si Sekretar i Përgjithshëm i Partisë Socialiste. Ai mori277 vota pro.
Discussion about this post