Së fundmi, reperi i njohur Don Xhoni dhe modelja ruse Ariana Lirey kanë konfirmuar nëpërmjet rrjeteve të tyre sociale se lidhja e tyre kishte marrë fund. Ata ishin në qendër të vëmendjes me deklaratat e forta kundrejt njëri-tjetrit dhe së fundmi modelja ka ndezur dyshimet për një ribashkim mes tyre.
Mbas konfirmimit të ndarjes, Ariana Lirey ka fshirë çdo postim në rrjetin e saj social Instagram ku shfaqej krah reperit. Por, së fundmi në profilin e modeles, vihet re se ajo ka rikthyer foton e parë që ka publikuar me Don Xhonin, kësaj here duke mos lënë asnjë mbishkrim.
Ajo nuk ka bërë asnjë reagim tjetër, megjithatë ky veprim i fundit nga ana e saj ka ngjallur dyshimet për një “pendesë” apo një mundësi ribashkimi mes tyre.
Nga ana tjetër, nuk mund të thuhet e njëjta gjë për reperin, i cili nuk ka bërë asnjë veprim kundrejt modeles, madje vihen re postime të zakonshme nga ana e tij.
Kujtojmë se, ish-çifti bënë deklarata të forta për njëri-tjetrin, ku dhe u zbulua arsyeja e vërtetë e ndarjes ku sipas saj ishte se reperi fokusohej më shumë tek makinat dhe femra të tjera dhe jo për të krijuar një familje.
“Ishte një histori e bukur. Mirupafshim. Përkushtimin që ta dhashë unë nuk e merr dot as nga qentë më besnikë. Tani mund të jesh krenar për veten.”
Më pas ka ardhur edhe reagimi i reperit i cili ka vulosur kështu lidhjen e tyre. Artisti është shprehur se ka një respekt të madh për modelen pasi ishte pjesë e jetës së tij dhe se nuk do ta harrojë asnjëherë.
“Kam një respekt shumë të madh për ty. Ishte pjesë e jetës time dhe një periudhë që nuk do ta harroj kurrë por çdo gjë e ka një fund! Shpresoj të jesh e lumtur me jetën tënde dhe Allahu ta bekojë zemrën tënde! Të lutem mos bëj drama. Ka marrë fund, duhet ta kalosh! Boluchka.”
Discussion about this post