Teksa ndodhet në ditën e 50 të agresionit rus, Ukraina qëndron e fortë “në këmbë” pa u lëkundur. Së fundmi reporterët e BBC-së kanë takuan sot në mëngjes presidentin ukrainas, Volodymyr Zelenskyn.
Pas kontrolleve të shumta të sigurisë dhe një shëtitjeje të gjatë nëpër korridoret e errësuar të një godine të fortifikuar qeveritare në kryeqytet, të shoqëruar nga roje të armatosura, gazetarët e mediumit britanik arritën në dhomën e sigurisë së presidentit.
Në momentin e fillimit të intervistës, Zelenskyn e telefonoi presidenti francez, Emmanuel Macron, por ai nuk e ndali takimin me gazetarët britanik. “Do të më duhet t’ju telefonoj më vonë, jam me BBC-në”, tha i pari i shtetit ukrainas gjersa tregoi se të dytë kanë marrëdhënie miqësore.
“Ndërveprimet me kryeministrin e Mbretërisë së Bashkuar Boris Johnson dhe presidentin amerikan, Joe Biden janë më formale”, tha Zelensky, por ai ishte mirënjohës për furnizimet e tyre me armë.
Çështja më e rëndësishme e diskutimit për Zelenskyn ishte se si vendet evropiane po vazhdonin të blinin naftën ruse, nga e cila Rusia fiton miliarda çdo javë.
Discussion about this post