Të shtëna me armë zjarri kanë tronditur mëngjesin e sotëm qytetin e Krujës. Mësohet se një mobileri në Nikël është qëlluar me breshëri plumbash. Ngjarja mësohet të ketë ndodhur gjatë natës dhe denoncimi është bërë nga vetë pronari i biznesit.
Nuk raportohet që të ketë persona të plagosur duke qenë se në momentin që ka ndodhur ngjarja, mobileria ka qenë e mbyllur. Dëmet materiale të shkaktuara si pasojë e breshërisë së plumbave janë të shumta.
Sipas grupit hetimor rreth orës 08:20, shtetasi me iniciale M. K. ka njoftuar sallën operative se në fasadën e objektit që është një mobilieri në pronësi të tij, ka konstatuar disa shenja, që dyshohen se janë shkaktuar nga armë zjarri gjatë natës.
Së fundmi, po ashtu grupi hetimor ndodhet në vendngjarje dhe po punon për sqarimin e rrethanave të mëtejshme për zbardhjen e ngjarjes.
Discussion about this post