Shoqërimi i kryeministrit Edi Rama nga policia federale e Gjermanisë, mësohet se ka ndodhur në dhjetor. Në datën 3 dhjetor të vitit të kaluar, Rama u nis për në SHBA me ftesë të ish-zonjës së parë dhe ish-sekretarja amerikane e shtetit Hillary Clinton, në emër të organizatës Vital Voices i dorëzoi Ramës një çmim për rolin e tij në marrjen në mbrojtje të shtetasve afganë që janë strehuar në vendin tonë. Bëhet fjalë për çmimin “Voices of Solidarity Aëard” që iu dorëzua Ramës më datë 6 dhjetor përmes një ceremonie të organizuar nga vetë organizata.
Mesa duket rruga deri në Neë York nuk ishte mjaft e qetë për Ramën. Kreu i qeverisë udhëtoi me linjën Lufthansa nga Frankfurti drejt Neë York-ut por mosbindja ndaj rregullave strikte për vendosjen e maskës anti-Covid bëri që kreu i qeverisë shqiptare të përfundonte në polici.
Pasagjerët që kanë qenë dëshmitarë të ngjarjes, rrëfejnë se kreu i qeverisë refuzoi me forcë mbajtjen e maskës mbrojtëse saqë ekuipazhi është detyruar të thërrasë kapitenin për ndihmë. Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për të mbajtur maskën FFP2, ndërhyri policia federale dhe bëri shoqërimin e kryeministrit shqiptar.
Discussion about this post