Ditën e djeshme, Donald Veshaj ka publikuar këngën e tij të re në bashkëpunim me vëllain e tij binjak, Romeo Veshajn dhe këngëtarin Elgit Doda të titulluar “Picasso”. Duke pasur parasysh trekëndëshin e dashurisë Bora Zemani-Donald Veshaj-Beatrix Ramosaj, kjo këngë pritej të kishte edhe fjalë dedikuar njërës nga ish të dashurave të tij.
Dhe mesa duket telenovela e dashurisë nuk ka ndërmend të përfundojë. Fansat janë të bindur se aktori i humorit ia ka dedikuar këngën sërish moderatores nëpërmjet vargjeve ku duket qartazi së ai ndihet i penduar për atë që ndodhi.
“Ma tha truri për me t’puth; Ma tha truri për me t’humb; Ma tha truri për me t’lut; Ma tha truri për me vujt.”
Kujtojmë se, në klipin e mëparshëm të Donaldit ku kënga e të cilit u titullua “Nuk je” u vu re detaji me numrin ‘5’ i cili është përvjetori i lidhjes së Donaldit dhe Borës. Teksa ishte brenda shtëpisë së “Big Brother VIP”, aktori zbuloi se ata kanë nisur romancën e tyre në datën 5 nëntor të vitit 2018.
Mirëpo këngëtari nuk i ka lënë detajet edhe në klipin e këngës së fundit të cilën e publikoi ditën e djeshme. Ajo që na ka shpëtuar të gjithëve është që në një pjesë të videos Donaldi duket se ndodhet brenda një kishe. Por çfarë kuptimi ka kjo?
Gjithashtu, së fundmi në rrjete sociale po qarkullon një video gjatë qëndrimit të Donaldit në ‘BBVIP’, ku zbulon se ai dhe Bora janë takuar për herë të parë në një kishë.
Discussion about this post