Dafina Zeqiri dhe DJ Geek prej vitesh po jetojnë një lidhje të konsoliduar. Çifti, që përveçse në një lidhje dashurie, janë edhe bashkëpunëtorë të mirë në muzikë, muajt e fundit ka zgjedhur ta jetojë historinë e tyre të dashurisë tërësisht të qetë jashtë famës dhe njerëzve të tjerë.
Në rrjetet sociale, ata shfaqen gjithnjë vetëm, madje të vetëm janë shfaqur edhe në fotot ku këngëtarja mbante veshur fustanin e bardhë. Fotot janë shkrepur në një ambient romantik, ku bien në sy tullumbacet në formë zemre apo qirinjtë me të cilët është dekoruar dhoma. Kaq ka mjaftuar që ndjekësit të aludojnë se çifti mund t’i ketë dhënë fund beqarisë dhe të jenë martuar.
Në këtë foto janë me dhjetëra komente që u urojnë atyre martesën apo e quajnë Dafinën “nuse”.
“Nuse e mrekullueshme; Hajt me hajër dhe shumë beba; Mendova se ishit të martuar; Urime martesa; Nusja më e bukur”.
Dhe mesa duket kanë pasur të drejtë. Dafina dhe Dj Geek kanë ndryshuar statusin e tyre, duke celebruar dashurinë. Fotot me të bardha janë vetëm disa nga shkrepjet që dyshja ka zgjedhur pasi janë celebruar. Ndonëse nuk ka pasur një ceremoni, bëhet me dije se gjithçka është mbajtur sekret për të gjithë, duke preferuar që lajmin ta ndajnë veç me të afërmit e tyre.
Megjithatë, dyshja po përgatit edhe një dasmë madhështore me shumë të ftuar VIP, por kjo do të jetë për një moment të dytë.
Aktualisht ata janë të angazhuar me projektet që pritet të publikojnë dhe me axhendën e sezonit veror. Ndonëse nuk kanë një datë, çifti ka idenë edhe për një dasmë ekstravagante, me të gjitha gjasat vitin tjetër.
Prej disa kohësh ata jetojnë bashkë dhe nuk e fshehin dashurinë as në rrjetet sociale. Bashkëjetesa e dyshes është aq dinamike, për shkak të punëve të tyre. Mes Prishtinës, Stokholmit dhe Tiranës, ata të dy janë gjatë gjithë kohës bashkë, duke pasur një bashkëpunim të ngushtë edhe në punë.
Discussion about this post