Komisioni i Rithemelimit ka dalë në një njoftim zyrtar, ku bëhet me dije se zgjedhjet për kreun e ri të PD po mbahen në 18 degë të vendit.
Procesi i votimit ka nisur në orën 8 dhe pritet të përfundojë më 18:00. Zgjedhjet do të mbahen në Cërrik, Patos, Gjirokastër, Përmet, Këlcyrë, Memaliaj, Tepelenë, Pogradec, Kukës, Has, Tirana 3, Tirana 9, Tirana 13, Kamëz, Kavajë, Vlorë, Delvinë, Sarandë
“Procesi i votimit është hapur në orën 8.00 e do të mbyllet në orën 18.00. Në rast se në Qendrat e Votimit do të ketë ende votues, procesi do të vijojë edhe pas orës 18.00, deri kur edhe anëtari i fundit i PD së degës përkatëse të ketë votuar. Për shtyrjen e votimit do të njoftohet Komisioni i Organizimit dhe Kontrollit të Operacioneve Elektorale”, njofton Komisioni.
Komisioni i Organizimit dhe Kontrollit të Operacioneve Elektorale fton të gjithë anëtarët e PD të degëve të sipërpërmendura të bëhen pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”.
Discussion about this post