Politika tatimore në vendin tonë ka mjaftë ngërçe dhe mangësi. Kështu është shprehur qendra “Atlaz” përmes një raporti të publikuar së fundmi. Në raport thuhet se, në vitet e fundit politika tatimore konsiderohet si e çorientuar dhe përmban ndryshime kontradiktore në vetëm pak vite. Në publikimin e bërë së fundmi ”Altaz” nxjerr në pah se, rasti tipik është pragu i TVSH-së, i cili është ulur dhe ngritur disa herë. “Kryefjala e paketës fiskale të 2019 dhe 2020 përfshiu një përgjysmim të tatimit mbi dividentin (nga 15 në 8 përqind), një zgjerim i të bazës së taksimit për dy punësimet, si dhe procesi i fiskalizimit gjatë gjithë vitit 2021 kanë krijuar probleme të mëdha për klientelën e bizneseve të mëdhenj dhe tregun në tërësi”, thuhet në studim.
Sipas dokumentit, reformat e normave tatimore kanë ngushtuar bazën e tatimpaguesve dhe kanë ndërlikuar mënyrën e taksimit për disa segmente të tjera. Po ashtu, vihet në dukje se disa nga këto ndryshime komplikojnë në fakt regjimin tatimor të thjeshtë, që zbatohet nga mikrobizneset dhe nga ana tjetër krijon si pasojë mundësi për shmangie të taksave, përmes zhvendosjes së të ardhurave më të larta të tatimit të dividentit, ose manipulim të pragut të tatimit mbi fitimin. Gjë që ka ndikim direkt edhe te tatimpaguesit e mëdhenj.
“Altaz” sugjeron se në këtë pikë, duhen zhvilluar kapacitete drejtuese dhe zbatuese me aftësitë e kërkuara nga detyra që marrin përsipër për kryerjen e analizave tatimore për të kuptuar më mire paqëndrueshmërinë në të ardhurat tatimore. Sipas dokumentit, aktualisht ka pak specialistë të aftë për analizën dhe parashikimin e të ardhurave, për riskun në mbledhjen e të ardhurave, tendencat dhe pritshmëritë, si dhe për të përcaktuar arsyet e ndryshimeve të rëndësishme nga parashikimet e buxhetuara gjatë vitit.
Discussion about this post