Presidenti serb Aleksandar Vuçiç po del gjithmonë e më shumë në krah të Putin, ndërsa ka nisur “sulmet” me deklarata të forta ndaj Ukrainës. Në një deklaratë për mediat ai akuzoi Ukrainën dhe një shtet anëtar të Bashkimit Evropian, të cilin ai nuk e përmendi, se qëndronin pas një sërë paralajmërimesh të rreme për vendosjen e bombave në avionët e pasagjerëve të Air Serbia .
“Kështu bëjnë shërbimet e huaja (inteligjencës) të dy vendeve. Një është një vend anëtar i BE-së, tjetri është Ukraina, ” tha Vuçiç, pa dhënë asnjë provë për të mbështetur këtë pretendim.
Pas pushtimit rus të Ukrainës më 24 shkurt, pothuajse pesëmbëdhjetë avionë të kompanisë u detyruan të kthehen në Beograd ose Moskë për shkak të kërcënimeve me bombë. Aeroporti në kryeqytetin serb është dashur të evakuohet të paktën tre herë. Serbia, një vend që është pothuajse tërësisht i varur nga Rusia për furnizimet e saj me gaz dhe naftë, refuzon të vendosë sanksione dhe vazhdon të kryejë fluturime të rregullta drejt dhe nga Moska.
Discussion about this post