Policia e Tiranës arrestoi ditën e sotme një prej autorëve të grabitjes së Postës Shqiptare në Kamëz ndërsa një tjetër u shpall në kërkim. Autori i shpallur në kërkim është 30-vjeçari Elis Suçi, i dënuar më parë për veprën penale “Vjedhja”. Gjithashtu mësohet se i riu ka qëlluar ndaj uniformave blu në mars të këtij viti, gjatë një tentative për ta arrestuar.
Ai ka arritur t’iu shpëtojë efektivëve për herë të dytë, ndërsa vijon të jetë në kërkim për ngjarjen e ndodhur dje në Kamëz, ku së bashku me Algert Kurtin grabitën postën nën kërcënimin e armës. Kurti u vu në pranga gjatë ditës së sotme. Policia ka sekuestruar një aparat celular dhe veshje, të cilat autorët dyshohet se i kanë përdorur gjatë kryerjes së krimit.
Discussion about this post