Izraeli i është kundërpërgjigjur me sulme ajrore një rakete të lëshuar nga trupat palestineze. Sipas “The Guardian”, tensionet janë rritur këtë fundjavë pasi palestinezët dhe izraelitët u përleshën pranë një vendi të shenjtë në Jeruzalem. Sirenat paralajmëruese oshëtin në jug të Izraelit të hënën mbrëma pasi raketa u lëshua nga forcat e armatosura nga grupi islamik Hamas. Predha u rrëzua në det pranë Tel Avivit.
“Një raketë u hodh nga Rripi i Gazës në territorin izraelit. Raketa u kap nga sistemi i mbrojtjes ajrore Iron Dome”– tha ushtria izraelite në një deklaratë.
Disa orë më vonë, forcat ajrore izraelite thanë se kishin goditur një vend të prodhimit të armëve të Hamasit në shenjë hakmarrjeje. Hamasi pretendoi se kishte përdorur mbrojtjen e tij kundërajrore për tu mbrojtur nga sulmet ajrore, të cilat nuk shkaktuan viktima, sipas dëshmitarëve. Këtë fundjavë përleshjet rreth kompleksit të xhamisë al-Aksa të Jerusalemit çuan në plagosjen e më shumë se 170 njerëz, kryesisht demonstrues palestinezë. Rritja e tensioneve përkon me muajin e shenjtë mysliman të Ramazanit dhe festën hebraike të Pashkës.
Discussion about this post